Ванкомицин 1г №1 - тарилгын нунтаг

Бүтээгдэхүүний дэлгэрэнгүй

Бактерцид үйлдэлтэй, бактерийн эсийн ханын нийлэгжилтийг саатуулах бэлдмэл

Хэрэглэх заалт

Үжил, эндокардит, уушгины үрэвсэл, уушгины буглаа, яс үений халдвар (остеомиелит г.м), менингит, арьс, зөөлөн эдийн халдвар зэрэгт хэрэглэнэ. Clostridium difficile-ийн шалтгаант псевдомембраноз колит; Staphylococcus aureus-ийн шалтгаант энтероколит үүссэн үед хэрэглэнэ.

Ванкомицины гидрохлорид 1г

Тарьсаны дараах урвал (хурдан тарьсанаас үүснэ): анафилакси төст урвал (цусны даралт буурах, гуурсан хоолойн агчил, амьсгал тасалдах, арьсаар тууралт гарах, загатнах), гистамины ялгаралттай холбоотой "улаан хүн" хам шинж (чичрүүдэс хүрэх, халуурах, зүрхний цохилт олшрох, дээд мөч, нүүр улайх, цээж, нурууны булчин агших) зэрэг шинж тэмдэг илэрнэ. Хэсэг газрын хариу урвал (дуслын хийх дүрмийг биелүүлээгүйгээс): венийн судасны үрэвсэл, тарьсан хэсэгт өвдөх, тарьсан хэсгийн эд үхжинэ. Харшлын урвал: халуурах, дотор муухайрах, чичрүүдэс хүрэх, эозинофили, тууралт гарах (зулгаралтат арьсны үрэвсэл хамаарна), шүүдэст хорт улайрайлт (Стивен-Жонсоны хам шинж), хучуур эдийн хорт үхжил (Лайллын хам шинж), судасны үрэвсэл үүснэ.

Хэрэглэх арга

10мг/мл-ээс ихгүй хурдтайгаар зөвхөн судсанд (булчинд тарихад өвдөнө) тарина; дуслын үргэлжлэх хугацаа 60минутаас багагүй байх ёстой. Насанд хүрэгчид- 0,5гр эсвэл 7,5мг/кг тунгаар 6цагийн зайтай эсвэл 1гр эсвэл 15мг/кг тунгаар 12цагийн зайтай хэрэглэнэ. Шинэ төрсөн нярайн эхний 7 хоногт - 15мг/кг тунгаар, цаашид 10мг/кг тунгаар 12цагийн зайтай хэрэглэнэ. 1сар хүртэлх хүүхдэд: дээрх тунгаар 8цагийн зайтай хэрэглэнэ. 1сараас дээш настай хүүхдэд – 10мг/кг тунгаар 6цагийн зайтай эсвэл 20мг/кг тунгаар 12цагийн зайтай хэрэглэнэ.