Үйлчилгээний нөхцөл

1.HPoint.mn цахим худалдааны вебсайт нь Хеальт Поинт ХХК-ий харьяа Содуна Свийт фарм ХХК-ий бараа, бүтээгдэхүүн үйлчилгээгээ цахимаар хүргэх албан ёсны цахим хуудас юм.

2. Цахим хуудас ашиглах энэхүү үйлчилгээний нөхцөл нь эм, эрүүл мэндийн бүтээгдэхүүн, бусад бараа, бүтээгдэхүүн үйлчилгээг цахимаар захиалах, худалдан авалт хийх, хүргэлтээр авах үйл ажиллагаатай холбоотойгоор үүсэх харилцааг зохицуулахад гол зорилго нь оршино.

3. Хэрэглэгч цахим худалдааны нөхцөлийг хүлээн зөвшөөрч баталгаажуулсаны үндсэн дээр цахим худалдааны сайтыг ашиглан бараа, бүтээгдэхүүн үйлчилгээ захиалах эрх нээгдэх ба, энэхүү үйлчилгээний нөхцөл захиалга хийгдэх мөчөөс хэрэгжиж эхэлнэ.

4. Үйлчилгээний нөхцлийн хэрэгжилтэд “Содуна свийт Фарм” ХХК (цаашид компани гэх) болон худалдан авагч (цаашид хэрэглэгч гэх) хамтран хяналт тавьж ажиллана.

5. Цахим худалдааны вебсайтад ашиглагдсан тэмдэгтүүд нь “Содуна свийт фарм” ХХК-ий өмч бөгөөд эм, бараа бүтээгдэхүүний тэмдэгтүүд нь брэндүүдийн өмч болно. Энэхүү вэб сайтын лого, бүтээгдэхүүний мэдээллийг хуулах, олшруулах, дуурайх, өөр бусад зорилгоор ашиглахыг хориглоно. Хэрэв татан авч, хуулбарласан, ашигласан тохиолдолд "Оюуны өмчийн тухай хууль" болон бусад холбогдох хууль, эрх зүйн актын дагуу шийдэх бөгөөд, шаардлагатай нөхцөлд холбогдох шүүх байгууллагаар шийдвэрлүүлнэ.

6. Цахим худалдааны вебсайтын хөгжүүлэлт, мэдээ мэдээллийн шинэчлэлт, бараа бүтээгдэхүүний өөрчлөлт түүний аюулгүй байдал, хэрэглэгчийн мэдээллийн нууцлалыг компани бүрэн хариуцна.

7. Цахим худалдааны систем (HPoint.mn, 7722-3434 лавлах утас) нь зөвхөн энгийн жортой эм, жоргүй олгогдох эм, бусад төрлийн бараа бүтээгдэхүүнийг захиалах, хүргүүлэх, бүтээгдэхүүний мэдээлэл өгөх, эрүүл мэндийн зөвлөгөө, мэдээлэл, зөвлөгөө өгөх зорилготой болно.

1. Хэрэглэгч нь цахим худалдааны вебсайтад бүртгэл үүсгэн баталгаажуулж нэвтэрснээр HPoint.mn цахим худалдааны вебсайтын хэрэглэгч болох бөгөөд энэ нь уг үйлчилгээний  нөхцөлтэй танилцаж хүлээн зөвшөөрснийг илтгэнэ.

2. Хэрэглэгч нь цахим захиалгын системд нэвтрэх нэр, нууц үгийг бусдад дамжуулахгүй байх, нууц үг нэвтрэх нэрийн нууцлал алдагдахтай холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүйн улмаас учирсан аливаа хохирлыг “Содуна свийт фарм” ХХК хариуцахгүй болно.

3. Хэрэглэгчийн мэдээллийн үнэн зөв, бодит байдалд хэрэглэгч бүрэн хариуцлага хүлээнэ. Хэрэглэгчийн мэдээллийн нууцлалыг компаний нууцлалын бодлогоор зохицуулна.

4. Хэрэглэгч цахим худалдааны вебсайтаар захиалсан бараа бүтээгдэхүүнээ үйлчилгээний нөхцөлд заагдсан хязгаарлалтын бүс дотор энэхүү журмаар тогтоосон үнэ тариф, хөнгөлөлтөөр хүргүүлэн авна

5. Системийн аливаа алдаа, доголдол, эрчим хүчний саатал, байгалийн давагдашгүй хүчин зүйл, серверийн ачаалал зэргээс шалтгаалсан асуудал үүсэх нөхцөлд хэрэглэгчдэд урьдчилан мэдэгдэлгүйгээр бараа бүтээгдэхүүний үнэ, мэдээллийг өөрчлөх, онлайн хүргэлтийн үйл ажиллагааг хэвийн болгоход шаардлагатай сайт, програм хангамжтай холбоотой засвар үйлчилгээг “Содуна свийт фарм” ХХК хариуцна.

6. Хэрэв цахим худалдааны сайтын үйлчилгээний нөхцөл өөрчлөгдөх, шинэчлэгдэх тохиолдолд цахим худалдааны вебсайт дээр тухай бүрд нь мэдээлэл явуулж танилцуулна.

7. Хэрэглэгчийн захиалга хийгдэх үед хүчинтэй байсан үйлчилгээний нөхцөл нь захиалга хүлээж авах хугацаанд өөрчлөгдсөн тохиолдолд өмнөх үйлчилгээний нөхцөлийг бараа хүлээж авах хүртэлх хугацаанд хүчинтэйд тооцно.

8. Цахим худалдааны сайтаар 18 болон түүнээс дээш насны хэрэглэгчид захиалга өгөх эрхтэй. 18 наснаас доош насны хэрэглэгч захиалга өгсөн тохиолдолд түүний эцэг эх, асран хамгаалагч нь хариуцлагыг бүрэн хүлээнэ.

9. Хэрэглэгч вебсайтын талаар санал гомдол, шинэ санаа, шинэ бараа, бүтээгдэхүүн үйлчилгээний хүсэлт, шүүмж зэргийг чөлөөтэй илэрхийлэх, илгээх эрхтэй бөгөөд цахим худалдааны вэб сайтад таны оруулж буй хувийн сэтгэгдэл болон бусад мэдээлэл ёс зүйн хувьд зохистой байх шаардлагатай.

10. Хэрэглэгч HPoint.mn цахим захиалгын вебсайтаар 24 цагийн аль ч цагт захиалга хийх, 7722-3434 лавлах утсыг ашиглан 09:00-21:00 цагийн хооронд захиалга хийж хүргүүлэн авах мөн эрүүл мэндийн зөвлөгөө, мэдээлэл авах боломжтой.

11. Хэрэглэгч захиалсан бараа бүтээгдэхүүнээ хүлээж авахдаа эм,  бараа бүтээгдэхүүний хайрцаг, сав баглаа боодол бүрэн бүтэн эсэх, баталгаат хугацаа, тоо ширхэг, үнийн дүнг шалган гарын үсэг зурж хүлээж авах үүрэгтэй. Шалгаж хүлээж аваагүйн улмаас үүсэх аливаа эрсдэлийг компани хариуцахгүй болно.

1. Цахим худалдааны систем дээрх бараа, бүтээгдэхүүний үнэ, үлдэгдэл зэрэг мэдээлэл 24 цагийн турш автоматаар шинэчлэгдэх ба жор шалгах ( Эм барих эрхтэй эм зүйч шалгана), баталгаажсан захиалгын хүргэлт төлөвлөх зэрэг нь хүний үйл ажиллагаагаар явагдаж жор шалгасан, хүргэлт гарсан тохиолдолд танд хариу мэдээлэл илгээнэ.

2. Хэрэглэгч нь вебсайтаар захиалга хийхдээ эм, бараа бүтээгдэхүүний дэлгэрэнгүй мэдээлэлтэй бүрэн танилцаж, захиалсан бараа бүтээгдэхүүний тоо ширхэгийг шалгасны дараа захиалгыг дуусгаж төлбөр төлсөнөөр захиалга баталгаажна. Утсаар захиалга өгөх тохиолдолд оператороос бүх мэдээллийг сайтар лавлаж баталгаажуулж ярьсны дараа төлбөр төлсөнөөр захиалга нь бүрэн баталгаажна.

3. Захиалга хийхдээ бараа бүтээгдэхүүн хүргүүлэх хаягийн мэдээлэл аль нэг хэсэгт дутуу бөглөгдсөн тохиолдолд захиалга баталгаажих боломжгүй тул та захиалгаа хурдан шуурхай авахын тулд хаягаа сайтар шалгаж үнэн зөв бөглөх шаардлагатай.

4. Энгийн жортой эмийн захиалга хийхдээ эмийн жорын зураг оруулж системээс жор шалгаж баталгаажуулсан мэдэгдэл ирсэн тохиолдолд та захиалгаа баталгаажуулж төлбөрөө  төлөх хэрэгтэй. Ингэснээр хүргэлт баталгаажиж танд хүргэлтийн мэдээлэл МСЖ-р илгээнэ.

5. Жоргүй эм барааны захиалга мөн адил төлбөр урьдчилж төлсөний дараа захиалга баталгаажна. Хэрэв жортой эмтэй хамт захиалга хийсэн тохиолдолд эхлээд жорын зургийг оруулж захиалга хийх ба эм зүйч жорыг шалгаж хариу мэдэгдэж захиалгын төлбөр хийснээр захиалга баталгаажна.

6. Тусгай жороор /Сэтгэц нөлөөт, Мансууруулах/ олгогддог эм бараа, бүтээгдэхүүний захиалга цахимаар хийгдэх боломжгүй бөгөөд ийм төрлийн үйлчилгээг та манай веб сайт дээрх байрлалаас сонгон салбарт очиж үйлчлүүлэх боломжтой.

7. Эрүүл Мэндийн Даатгалын хөнгөлөлттэй үнээр олгох эм барааны захиалга хийх тохиолдолд систем дээрх ЭМД гэсэн цэсээр Жорын код болон регистерийн дугаараа оруулна. Системээс тухайн жор дээрх боломжит үлдэгдэлтэй эм барааны мэдээллийг танд илгээх болно. Ингэснээр та тухайн бүтээгдэхүүнээ салгслах, төлбөр төлж баталгаажуулан захиалга үүсгэх боломжтой.

8. Захиалга дуусгах товч дарсны дараа төлбөрөө хийх хүртэл таны сагсны бараа 24 цагийн турш хадгалагдах бөгөөд төлбөр төлөгдөөгүй тохиолдолд захиалга хийгээгүйд тооцох ба 24 цагийн дараа захиалга цуцлагдах болно.

9. Бүх сувгаар захиалга хийх, цуцлах, захиалга баталгаажуулахтай холбоотой мэдээллийг 09:00-21:00 цагийн хооронд 7722-3434 эрүүл мэндийн лавлах утсаар энгийн ярианы тарифаар холбогдож мэдээлэл авах, тодруулах бүрэн боломжтой.

10. Цахим худалдааны үнийн бодлого нь “Хеальт Поинт” ХХК-ийн сүлжээ эмийн сангийн үнийн бодлоготой ижил байх бөгөөд, зарим тохиолдолд бусад маркетингийн үйл ажиллагаа, хямдрал урамшуулал зэргээс шалтгаалан  ялгаатай байж болно.

11. Хэрэглэгч өөрт ойр салбараасаа очиж авах захиалгаа цахимаар хийж болох бөгөөд төлбөр төлөгдсөн тохиолдолд захиалга баталгаажиж системээс мэдэгдсэн цагт сонгосон салбартаа очиж захиалсан бараагаа авна. Тухайн барааны бүрдэл тухайн салбарт бүрэн байгаа эсвэл өөр салбараас нөхөн дүүргэх бараатай эсэх зэргээс шалтгаалан захиалга бэлтгэгдэж бэлэн болох хугацаа хэлбэлзэлтэй байх ба бэлэн болсон захиалгын мэдээллийг танд МСЖ-р мэдэгдэх болно.

12. Захиалга хийсэн эм бараа бүтээгдэхүүний төлбөрийг төлөхдөө Монгол улсад үйл ажиллагаа явуулж буй банкнуудын төлбөрийн карт, мобайл банк, интернет банк ашиглаж төлбөрөө төлөх боломжтой.

13. Хэрэглэгчийн хийсэн захиалга бүр дахин давтагдашгүй захиалгын дугаартай байх бөгөөд “Миний захиалгууд” хэсгээс захиалгын тухай дэлгэрэнгүй мэдээллийг харах боломжтой.

14. Эм, эрүүл мэндийн бүтээгдэхүүн нь хадгалах, тээвэрлэх тусгай нөхцөл шаарддаг онцгой бараа бүтээгдэхүүн тул хэрэглэгчийн гарт очсон цагаас эхлэн буцаалтын нөхцөлд (24 цагийн дотор) заагдсанаас бусад шалтгаанаар эмийн бүтээгдэхүнийг буцаах, солих боломжгүй болно.

15. Цахим худалдааны системд таны захиалсан эм барааны бүрдэл 2 болон түүнээс дээш байрлалаас нөхөн бүрдүүлэх шаардлагатай тохиолдолд хүргэлтийн хугацааг оператортой ярилцаж тохиролцсоны үндсэн дээр төлбөрөө төлж захиалгаа баталгаажуулах бөгөөд тухайн захиалгыг 12-24 цаг дотор хүргэнэ

1. Захиалсан бараа бүтээгдэхүүний төлбөрийг төлсөнөөр захиалга бүрэн баталгаажиж эм бараа хүргэлтийн жолоочид шилжих ба танд мсж-р хүргэлт гарсан тухай мэдээлэл илгээнэ. Замын ачаалал, цаг уурын нөхцөл байдал зэргээс шалтгаалан хүргэлт 4-24 цагийн дотор (20-22 цагт хийгдсэн захиалга маргаашийн захиалгад орох магадлалтай бөгөөд энэ талаар хэрэглэгчид мэдээллэнэ) захиалгын бараа хүргэгдэнэ.

2. Эм барих эрх бүхий жор баригч таны захиалсан энгийн жортой, жоргүй, ЭМД-р хөнгөлөлт олгох эм барааны захиалгыг нэр төрөл, тун хэмжээ, тоо ширхэгийн дагуу бэлтгэн шалгаж, хүргэлтийн ажилтанд баримтын дагуу хүлээлгэн өгнө.

3. Жортой эмийн захиалгыг хэрэглэгчийн жор илгээх хэсэгт илгээсэн жорын дагуу жор баригч нягталж шалгасны үндсэн дээр захиалга баталгаажуулах тул жортой эмийн хүргэлтээ авахдаа хэрэглэгч тухайн жорыг эх хувиар хүргэлтийн ажилтанд хүлээлгэн өгсөний үндсэн дээр эм барааг хэрэглэгч тоо ширхэг, тун хэмжээг давхар нягтлан хүлээж авах үүрэгтэй. Хүргэлтийн ажилтанд жор өгөөгүй, хуурамч жорын зураг оруулж захиалга хийсэн тохиолдолд хүргэлтийн ажилтнаас эм бараа шаардах эрхгүй бөгөөд төлбөрийн буцаалтыг систем дээрх эм бараа захиалгын буцаалт хийгдсэний дараа хэрэглэгчид эргэн шилжүүлнэ.

4. Захиалсан эм, бараа бүтээгдэхүүнийг “Хувийн мэдээлэл” хэсэгт оруулсан хүргэлтийн хаягийг үндэслэн хүргэх бөгөөд хүргэлтийн хаягаа өөрчлөөгүй, буруу шивсэн зэргээс үүдэн гарах хохирлыг “Содуна Свийт Фарм” ХХК хариуцахгүй.

5. Хэрэглэгчийн захиалсан эм, бараа бүтээгдэхүүнийг Улаанбаатар хот доторх хүргэлт хийгдэх хороодын дагуу хүргэлт хийнэ

6. Хүргэлт хийгдэх хороонууд: Вебсайт дээр баршуулсан хүргэлтийн бүс заасан газрын зургийг ашиглаж болно
           -БГД (1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30-р хороо тус бүрт)

-БЗД (1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 22, 25, 26, 27, 29, 30, 31, 32, 36, 37, 38, 39, 40, 41, 42, 43-р хороо тус бүрт)

 

-СХД (2, 3, 4, 5, 6, 7, 8, 11, 12, 13, 14, 15, 16, 17, 18, 19, 20, 23, 26, 27, 29, 30, 31, 34, 37, 38, 39, 40, 43-р хороо тус бүрт)

 

-СБД (1, 2, 3, 4, 5, 6, 7, 8, 9, 10, 11, 12, 13, 14, 16-р хороо тус бүрт)

 

-ХУД (1, 2, 3, 4, 5, 6, 7, 8, 9, 11, 15, 16, 17, 18, 19, 20, 22, 24, 25-р хороо тус бүрт)

 

-ЧД (1, 2, 3, 4, 5, 6, 7, 8, 9, 10, 11, 12, 13, 14, 15-р хороо тус бүрт)

7. Хүргэлт хийгдэхгүй хороонууд: Вебсайт дээр баршуулсан хүргэлтийн бүс заасан газрын зургийг ашиглаж болно
           -БЗД (11, 19, 20, 21, 23, 24, 28, 33, 35-р хороо) 

-СХД (1, 9, 10, 21, 22, 24, 25, 28, 32, 33, 35, 36, 41, 42-р хороо)

 

-СБД (15, 17, 18, 19, 20-р хороо)

 

-ХУД (10, 12, 13, 14-р хороо)

 

-ЧД (16, 17, 18, 19,3 20, 21, 22, 23, 24-р хороо)

8. Эм, бараа бүтээгдэхүүний захиалгыг 09:00-21:00 цагийн хооронд 25,000₮ түүнээс дээш үнийн дүнтэй захиалга үнэгүй хүргэнэ. (нэмэлт нөхцөл нэмэх магадлалтай)

9. Эм, бараа бүтээгдэхүүний захиалгыг 4-24 цагийн дотор бүтээгдэхүүний хадгалалт, тээвэрлэлтийн горимын дагуу хүргэнэ.

10. Цахим худалдааны вебсайтад ирсэн захиалгын эм, бараа бүтээгдэхүүнийг хэрэглэгчийн гарт очих хүртэлх сав, баглаа боодлын бүрэн бүтэн байдлыг "Содуна Свийт Фарм" ХХК бүрэн хариуцна.

11. Замын ачаалал, байгалийн давагдашгүй хүчин зүйл, хил, гаалийн үйл ажиллагаа саатах болон бусад хүчин зүйлийн улмаас тодорхой хугацаагаар хүргэлт саатах бүрд хэрэглэгчдэд хүргэлтийн ажилтан утсаар мэдэгдэнэ.

12. Байгалийн давагдашгүй хүчин зүйлээс шалтгаалан хүргэлтээр гарсан эм, бараа бүтээгдэхүүний эвдрэл гэмтэл үүсэх, устаж үгүй болох зэргээс үүсэх хохирлыг "Содуна Свийт Фарм" ХХК бүрэн хариуцна.

13. Хэрэглэгч захиалсан бараа бүтээгдэхүүн хүргүүлж авах хугацаагаа сонгох эрхтэй.

14. Хүргэлт очих цагаар хэрэглэгчийн утас холбогдохгүй, гэртээ байхгүй, хүргэлтийн хаяг буруу оруулсан, утсаар нь лавлах боломжгүй үед хүргэлтийн ажилтан дараагийн хүргэлт рүү шилжинэ. Тухайн өдрийн маршрутаа хүргэж дууссаны дараа дахин холбогдож хүргэлтийг хийнэ. Дахин холболтоор холбогдох боломжгүй байгаа тохиолдолд онлайн захиалгын системээр дамжуулан хэрэглэгчийг дахин холбогдтол түр хугацаагаар хүргэлтийг цуцална.

1. Хэрэглэгч цахим захиалгын системд захиалга өгөхдөө эм барааны мэдээлэлтэй нарийн танилцаж зөвшөөрсөний үндсэн дээр захиалга хийж төлбөр төлж баталгаажуулна. Тухайн захиалсан барааныхаа мэдээлэлийг бүрэн аваагүйгээс захиалга баталгаажуулж хүргэлт очсон тохиолдолд тухайн бараа бүтээгдэхүүнийг буцаах боломжгүй.

2. Эм нь хадгалалт, тээвэрлэлтийн онцгой нөхцөл шаарддаг тул доорх нөхцөл байдалд хэрэглэгчийн захиалгыг буцаалт хийх боломжгүй:

• Эмчийн бичсэн жорун дагуу  ОУ-н нэршлээр зөв орлуулан олгосон, ЭМД-н жороор хөгөлөлттэй үнээр авсан эм барааны захиалга;
• Бүх төрлийн тарилгын эмийн хэлбэр, тосон түрхлэг, лаа эмийн хэлбэр (Хөргүүрт хадгалагах заалттай), хадгалалтанд температурын горим шаарддаг эмийн бэлдмэлүүд (гепарин, инсулин, виферон, нейрорубин тариа г.м);
• Үйлчлүүлэгч худалдан авалтын баримт буюу и-баримтны регистерийн (Хувь хүн болон байгууллага) дугаарыг буруу мэдээллэсэн, андуурсан зэрэг хариуцлагагүй үйлдэл гаргасан;
• Хүргэлтээр очсон эм барааны нэр төрөл, тун хэмжээ, тоо ширхэгийг тулган шалгаж аваагүй;
•  Буцаалт хийх нөхцөл хангасан хэдий ч www.ebarimt.mn цахим хуудсанд НӨАТ-н сугалааны дугаарыг бүртгүүлсэн;
• Хэрэглэгчийн буруутай үлдлээс хамааралтай бүтээгдэхүүний сав баглаа боодлыг гэмтээсэн, бохирдуулсан болон задалж хэрэглэсэн;
• Хэрэглэгчийн өөрөө сонгосон хэмжээ (размер)-тэй бүтээгдэхүүний хэмжээ таараагүй;
• Буцаалт хийх нөхцөл хангасан хэдий ч худалдан авалт хийснээс хойш 24-48 цагаас хугацаа хэтэрсэн;
• Хямдрал, урамшуулалд хамрагдсан эм бараа, бүтээгдэхүүн

3. Хэрэглэгч захиалсан бараа бүтээгдэхүүнээ хүлээж авахдаа эм бараа бүтээгдэхүүнийхээ хайрцаг, сав баглаа боодол бүрэн бүтэн эсэх, баталгаат хугацаа, тоо ширхэг, тун хэмжээ, үнийн дүнг шалгаж авах үүрэгтэй. Шалгаж хүлээж аваагүйн улмаас үүсэх аливаа эрсдэлийг компани хариуцахгүй болно.

4. Хэрэглэгч доорх нөхцөл бүрдсэн тохиолдолд 24-48 цагийн дотор эм барааг буцааж болно.

• "Үйлдвэрийн доголдолтой эм бараа" буюу нэг төрлийн бараанаас гадаад, дотоод байдлаараа илт ялгаатай, мэдэгдэхүйц өөр байгаа эм бараа, гадна лац нь хэвээрээ хайрцаг сав гэмтэлгүй байгаа боловч дотроо хоосон, спрей шүршигдэхгүй, дотроо асгарсан, дотроо иссэн зэрэг чанарын шаардлага хангаагүй эм бараа болон эм эмнэлгийн хэрэгсэл;
• “Тээвэрлэлтийн гэмтэлтэй эм бараа” буюу хадгалалт, түгээлтийн горим алдагдсан, тээвэрлэлтийн явцад гаднах хайрцаг сав баглаа боодол хэвийн боловч, дотроо асгарсан гоожсон, хагарсан, бүтээгдэхүүний чанарт өөрчлөлт орсон бүтээгдэхүүн;
• Үйлдвэрлэгчийн шаардлагаар зах зээлээс эргэн татаж буй бараа бүтээгдэхүүн. Энэ тохиолдолд Цахим худалдааны системээс хэрэглэгчтэй холбогдож бараа бүтээгдэхүүнийг буцаалт хийх талаар ярилцан тохиролцож эм барааг буцаалтаар хүлээн авч, шаардалгатай үнийн дүнг хэрэглэгчид эргүүлэн төлнө
• Энгийн жорыг системд илгээн шалгуулж авсан эм барааг хүргэлт хийгээд хүлээлгэн өгөхөд хэрэглэгч жорыг хүргэлтийн ажилтанд хүлээлгэн өгөх үүрэгтэй. Жор байхгүй тохиолдолд жортой эмийг өвчтөн авах эрхгүй бөгөөд системд буцаалт хийж хэрэглэгчид төлбөрийг эргүүлэн олгоно.
• Хэрэглэсэн эмийн бүтээгдэхүүн нь үйлчлүүлэгчийн бие физиологит таарахгүй, гаж нөлөө илэрч хүндэрсэн, энэ нь эмчийн магадлагаагаар баталгаажсан тохиолдолд эм авсан сардаа багтан хэрэглэгч системд мэдэгдэн буцаалт хийлгэх боломжтой.
• Цахим худалдааны системийн алдаатай үйл ажиллагаа нотлогдсон, мөн цахим худалдааны лавлахын эмч, жор баригч, бэлтгэгч, хүргэлтийн ажилтны алдаатай үйлдлээс үүссэн буруу захиалга, буруу бараа бүтээгдэхүүн хүргэгдэн очсон тохиолдолд барааг хүлээн авах үедээ нягтлан шалгаад хүргэлтийн ажилтанд буцаан өгж буцаалт хийлгэх бөгөөд барааны эндүүрэгдэл алдааг залруулах барааг сольж өгөх тохиолдолд хүргэлтийн төлбөрийг компани хариуцна.

5. Бараа бүтээгдэхүүнийг буцаахад худалдан авсан баримт эх хувиараа байх ба тухайн бараа нь анх худалдаж авсан байдлаар сав баглаа боодолд ямар нэгэн гэмтэл учраагүй, шошго салгаагүй байх ба и-баримтыг иргэн бүртгүүлэгүй байх ёстой. Дээрх шаардлагыг хангаагүй тохиолдолд буцаах болон солих боломжгүй болно.

1.Содуна Свийт Фарм ХХК нь цахим худалдааны системээр дамжуулан хэрэглэгчид чанартай эм бараа, бүтээгдэхүүн үйлчилгээг санал болгох бөгөөд бүтээгдэхүүн үйлчилгээний талаар мэдээллийг тогтмол сайжруулан шинэчлэх, системийн хөгжлийг хэрэглэгчийн сонирхолд нийцүүлэн хөгжүүлэх үйл ажиллагааг тогтмол удирдан зохион байгуулна.

2. Хэрэглэгч цахим худалдааны системд бараа бүтээгдэхүүн захиалахдаа үйлчилгээний нөхцөлтэй бүрэн танилцаж, бараа бүтээгдэхүүний мэдээллийг вебсайт болон лавлах утаснаас бүрэн дүүрэн авч сонголтоо хийн эм бараа бүтээгдэхүүнээ захиалах үүрэгтэй бөгөөд хэрэглэгч буруу захиалга хийсэн, төлбөр төлөхдөө буруу дансанд шилжүүлсэн зэрэг хэрэглэгчийн хариуцлагагүй үйлдлээс үүсэх эрсдэлд компани хариуцлага хүлээхгүй.