Феррум лек 100мг/2мл №5

Туншлыг буруу хадгалвал тунадас үүсч болно. Хэрэглэхийн өмнө тун шилийг маш анхааралтай харж шалгах хэрэгтэй. Тунадасгүй, нэг төрлийн уусмал агуулсан тун шилийг хэрэглэж болно. Хэрэв тун шилд тунадас үүссэн эсвэл хадгалах хугацаа нь дууссан бол түүнийг устгах хэрэгтэй. Нээсэн тун шилийг нэн даруй хэрэглэнэ. Феррум Лекийн тун шил доторх агууламжийг өөр эмийн бодистой хольж болохгүй. Булчинд тарих тарилгыг маш болгоомжтой зөв хийснээр өвдөлт болон арьсний өнгө өөрчлөгдөхөөс зайлсхийнэ. Феррум Лекийн тарилгыг зөвхөн булчинд (ямар ч тохиолдолд судсанд тарьж болохгүй) тарьж хэрэглэх бөгөөд баруун, зүүн өгзөгний булчингийн гүнд ээлжлэн хийнэ. Тарилгыг өнжөөд хийнэ. Феррум Лекийн булчинд тарих тарилгыг өгзөгний булчингийн дөрөв хуваасны гадна дээд хэсэгт тарина. Зүүний хамгийн бага урт нь насанд хүрэгсдэд – 50 мм, илүүдэл жинтэй өвчтөнд – 80 – 100 мм, хүүхдэд – 32 мм байна. Тарилга хийхийн өмнө арьсыг сайтар халдаргүйжүүлэх ба тарьсны дараа эм урсахаас сэргийлэх зорилгоор арьсан доорх эдийг 2 см доош хөдөлгөнө. Тарьсны дараа арьсан доорх эдийг суллах ба 1 минутын турш тариа хийсэн хэсгийг сайн дарна.