Чихрийн шижингийн эмчилгээнд 1-с дээш насны хүүхэд, өсвөр насныхан болон насанд хүрэгсдэд хэрэглэнэ.
НовоРапидыг ® хэвлийн урд хана, гуя, мөрний делтоид хэсэг болон өгзөгний арьсан дор тарьж хэрэглэнэ. Тарилга хийх хэсгүүдийг үргэлж ээлжлэн сэлгэж байх нь тухайн хэсэг газарт өөхний эдийн тэжээлийн эмгэгшил (өөхөн дистрофи) болон арьсны амилоидоз үүсэх эрсдлийг бууруулж өгдөг (Хэрэглэхэд онцгой анхаарах, болгоомжлох зүйлс болон Гаж нөлөө хэсгийг харна уу). Бүх инсулины бэлдмэлийн адил хэвлийн урд талын хананы арьсан дор тарихад бусад хэсэгт тарьснаас илүү хурдан шимэгддэг. НовоРапид ® ФлексПен ® нь урьдчилан цэнэглэгдсэн үзгэн тариур бөгөөд НовоФайн ® эсвэл НовоТвист ® зэрэг 8 мм-с дээшгүй урттай нэг удаагийн зүүтэй угсарч хэрэглэхэд зориулагдсан байдаг. НовоРапид ® ФлексПен ® нь өнгөт кодтой ба хайрцагт дэлгэрэнгүй хэрэглэх зааврыг хийж хавсаргасан байна.
Бэлдмэлийг хэрэглэхээр онгойлгохоос өмнө: 2-8 градус хэмд хөргөгчинд хадгална. Хөргөлтийн хэсгээс хол байлга. Хэрэглэж байгаа үед эсвэл нөөцийн зорилгоор биедээ авч яваа үед: тасалгааны 30 градусаас доошгүй хэмд 4 долоо хоног хадгална. 2-8 градус хэмд хөргөгчинд хадгалж болно. Хөлдөөж болохгүй. Гэрлээс хамгаалж НовоРапид ® ФлексПены үзгэн ® тагийг таглаж хадгал. НовоРапидыг ® хэт халуун болон гэрлээс хамгаал. Хүчинтэй хугацааг хайрцаг ба бортогны шошгон дээр тэмдэглэсэн байгаа.
