Нифеди-Денк 20мг №100

Бүтээгдэхүүний дэлгэрэнгүй

Нифедипин нь кальцийн сувагт хориг үүсгэх замаар зүрхний булчингийн хүчилтөрөгчийн хэрэгцээг багасгах, титэм судасны цусан хангамжийг сайжруулах, титэм судасны агчлын илрэлийг арилгах үйлдэл үзүүлнэ. Мөн захын судасны эсэргүүцлийг багасган захын жижиг судсуудыг өргөсгөн цусны даралтыг бууруулах бэлдмэл

Хэрэглэх заалт

Судас агчлын зүрхний бах (Принцметалын зүрхний бах) буюу ангиографын шинжилгээгээр батлагдсан титэм судасны агчил, архаг явцтай тогтвортой зүрхний бах (нитратууд болон бета-адреноблокаторууд зохидоггүй өвчтөн буюу нитратууд ба бета-адреноблокаторын эмчилгээ хангалттай үр нөлөө үзүүлэхгүй байгаа зүрхний бах. Энэ тохиолдолд нифедипиныг бета-адренблокатортой хамт хэрэглэнэ). Артерийн даралт ихсэх өвчин (цусны даралт бууруулдаг бусад эмүүдтэй хавсарч хэрэглэнэ).

нифедипин 20мг

Толгой өвдөх, толгой эргэх, захын судасны хаван, дотор муухайрах, зүрх дэлсэх, сульдах зэрэг гаж нөлөө илэрч болзошгүй

Хэрэглэх арга

Нифедипинийг эмчийн зааврыг нарийн баримтлан хэрэглэнэ. Шахмалыг хоолны өмнө бүтнээр нь хангалттай хэмжээний шингэнээр даруулж ууна. Харин усан үзмийн шүүсээр даруулж хэрэглэхгүй. Учир нь нифедипиний үйлдэл хүчтэй илэрнэ. Өвчтөний биеийн байдлаас хамаарч тунг өвчтөн бүрт өвөрмөцөөр тогтооно. Насанд хүрэгсдэд хэрэглэх хоногийн ердийн тун: 1 шахмалаар хоногт 1-3 удаа (30-60мг) хэрэглэнэ