Адаптол 300мг №20

Бүтээгдэхүүний дэлгэрэнгүй

сэтгэл засах эмийн бүлэгт хамаарагддаг бөгөөд тайван бус байдал, айдас, түгшүүрэл, дотоод сэтгэл хөдлөлийн хүчдэл, цочромтгой байдал зэргийг багасгана. Бэлдмэлийг хэрэглэх үед булчин сулрахгүй ба хөдөлгөөний зохицуулалтын хямрал илэрдэггүй. Түүнчлэн биеийн хүчний болон оюун ухааны үйл ажиллагааны идэвх дарангуйлагддаггүй. Иймээс бэлдмэлийг ажиллах болон сурах явцыг завсарлахгүйгээр хэрэглэж болно.

Хэрэглэх заалт

Невроз ба невроз төст эмгэг (түгшүүр, сэтгэл хөдлөлийн тогтворгүй байдал, тайван бус байдал, айдас), Зүрх судасны өвчинтэй холбоогүй янз бүрийн шалтгаант зүрхний өвдөлт, Солиорлын эсрэг болон сэтгэл засах эмийн зохимжийг сайжруулах (эдгээр бэлдмэл нь сэтгэлээр унах, хэт тайвшруулах үйлдэл үзүүлдэг ба булчин сульдлыг багасгадаг) Тамхи татах хүслийг багасгах бүрдэл эмчилгээнд

Мебикар 300мг

Бэлдмэлийг хэрэглэх үед бусад эмийн бэлдмэлийн нэгэн адилаар гаж нөлөө ажиглагдах боловч энэ нь бүх хүмүүст илэрдэггүй. Бэлдмэлийг хэрэглэх үед илрэх гаж нөлөөний давтамжийг дараах байдлаар ангилна. Байнга илрэх: 10 өвчтөнд 1-с олон тохиолдох. Олонтаа илрэх: 100 өвчтөнд 1-с олон, 10 өвчтөнд 1-с цөөн тохиолдох. Хааяа илрэх: 1000 өвчтөнд 1-с олон, 100 өвчтөнд 1-с цөөн тохиолдох. Ховор илрэх: 10000 өвчтөнд 1-с олон, 1000 өвчтөнд 1-с цөөн тохиолдох. Маш ховор илрэх: 10000 өвчтөнд 1-с цөөн тохиолдох. Ховор: цусны даралт багасах, толгой эргэх, хоол боловсруулах замын эмгэг, биеийн хэм багасах, сульдах, өндөр тунгаар хэрэглэх үед харшлын урвал (арьс загатнах) илэрч болно. Харшлын урвал илэрсэн тохиолдолд бэлдмэлийг хэрэглэхээ зогсооно. Цусны даралт багасах ба биеийн хэм буурсан (биеийн хэм 1-1,5°-р буурч болно) тохиолдолд эмчилгээг зогсоох шаардлагагүй. Цусны даралт ба биеийн хэм нь эмчилгээ дууссаны дараа хэвийн болно. Ямар нэгэн гаж нөлөө илэрвэл эм зүйч болон эмчлэгч эмчдээ мэдэгдэж зөвлөгөө авна. Үүнд уг эм хэрэглэх зааварт тэмдэглэгдээгүй ямар нэгэн гаж нөлөө ч мөн хамаарна.

Хэрэглэх арга

Бэлдмэлийг эмч болон эм зүйчийн заавраар хоолноос хамааралгүй хэрэглэнэ. Насанд хүрэгсдэд 300-500мг тунгаар хоногт 2-3 удаа хэрэглэнэ. 1 удаагийн дээд тун 3г, хоногийн дээд тун 10г. Ээлж эмчилгээ хэдэн өдрөөс 2-3 сар хүртэл хугацаагаар үргэлжилнэ. Тамхи татах хүслийг багасгах бүрдэл эмчилгээнд хоногт 600-1000мг тунгаар 5-6 долоо хоногийн турш хэрэглэнэ.